TCS आणि Infosys कर्मचाऱ्यांना आर्थिक फटका – यंदा पगारवाढ आणि बोनस दोन्ही कमी!

NewsZenn Mar 7, 2025 564 0

भारतातील आयटी क्षेत्रात मोठा दबाव निर्माण झाला असून, आघाडीच्या कंपन्या TCS आणि Infosys यंदा आपल्या कर्मचाऱ्यांसाठी कमी पगारवाढ जाहीर करत आहेत. यामुळे हजारो कर्मचाऱ्यांना आर्थिक फटका बसणार आहे.

TCS आणि Infosysच्या पगारवाढीतील घट

टीसीएसच्या कर्मचाऱ्यांना यंदा केवळ 4 ते 8 टक्के पगारवाढ मिळणार असल्याची माहिती समोर येत आहे. तर Infosys कर्मचाऱ्यांसाठी ही वाढ 5 ते 8 टक्के इतकी मर्यादित राहणार आहे. गेल्या चार वर्षांतील ही सर्वात कमी पगारवाढ असल्याने कर्मचाऱ्यांमध्ये अस्वस्थता निर्माण झाली आहे.

व्हेरिएबल पे आणि बोनस कपात

टीसीएसच्या कनिष्ठ आणि मध्यम स्तरावरील कर्मचाऱ्यांना यंदा 100% व्हेरिएबल पे मिळेल. मात्र, वरिष्ठ कर्मचाऱ्यांना केवळ 20 ते 40 टक्के बोनस मिळण्याची शक्यता आहे. याचा अर्थ वरिष्ठ पदावरील कर्मचाऱ्यांचा बोनस मोठ्या प्रमाणात कपात होऊ शकतो.

IT क्षेत्रातील आर्थिक संकट?

गेल्या काही दिवसांत शेअर बाजारात मोठी घसरण झाली असून, याचा फटका आयटी कंपन्यांच्या शेअर्सना बसला आहे. अनेक कंपन्यांचे महसूल आकडे कमी झाल्यामुळे खर्च कपातीवर भर दिला जात आहे. या पार्श्वभूमीवर Infosysने काही दिवसांपूर्वी म्हैसूर कॅम्पसमधून 3000 पेक्षा अधिक फ्रेशर्सना कामावरून कमी केले होते.

कर्मचाऱ्यांवर परिणाम

कंपन्यांकडून होत असलेल्या या निर्णयांमुळे आयटी क्षेत्रातील कर्मचाऱ्यांना आर्थिक अडचणींचा सामना करावा लागू शकतो. तसेच, कमी पगारवाढ आणि बोनस कपात यामुळे कर्मचाऱ्यांचे समाधान आणि उत्पादकता यावर परिणाम होण्याची शक्यता आहे.